የኢትዮጵያ የቅጅና ተዛማጅ መብቶች አዋጅ የወጣው ሀምሌ፣ 1996 ዓ.ም ሲሆን በሰባት ክፍሎችና በ 40 አንቀጾች የተከፋፈለ ነው፡፡ በመግቢያው ላይ እንደተጠቀሰው አዋጁ የወጣው ሁለት መሰረታዊ አላማዎችን ለማሳካት ታስቦ ነው፡፡ እነዚህም መሰረታዊ አላማዎች የሚከተሉት ናቸው፡፡ የስነ-ጽሁፍ፣ የኪነ ጥበብና እና ተመሳሳይ የፈጠራ ስራዎች የአንድ ሀገር ባህላዊ/Cultural/፣ ማህበራዊ/Social/፣ ኢኮኖሚያዊ/Economic/፣ ሳይንሳዊ/Scientific/ እና ቴክኖሎጂያዊ ልማትን በማፋጠን ረገድ ትልቁ ሚና የሚጫወቱ በመሆናቸው የሚበረታቱበትን ምቹ ሁኔታ መፍጠሩ አስፈላጊ ሆኖ በመገኘቱ፤ የስነጽሁፍ፣ የኪነ ጥበብና እና ተመሳሳይ የፈጠራ ስራዎች ውጤታማ ለማድረግ በሚከናወኑ ስራዎች ላይ ተዛማጅ መብቶችን በህግ እውቅና መስጠትና ጥበቃ ማድረግ አስፈላጊ በመሆኑ ይላል፡፡