የቅጅ እና ተዛማጅ መብቶች ከአዕምሯዊ ንብረት አይነቶች አንዱና ዋንኛው ነው፡፡ የቅጅ እና ተዛማጅ መብቶች ጥበቃ ለባህል፣ ለኢኮኖሚና ለፖለቲካ ዕድገት ያለው ፋይዳ ከፍተኛ በመሆኑ ሀገራት ተገቢውን ትኩረት እየሰጡት ይገኛል፡፡ የቅጅ እና ተዛማጅ መብቶች ጥበቃ ከባህላዊ ዕውቀት /Traditional Knowledge/ እና ከማህበረሰብ ሀብት፣ ከኮምፒዩተር ፕሮግራም እና ከኢንፎርሜሽን ቴክኖሎጂ እንዲሁም ከፊልም ኢንዱስትሪ እና መገናኛ ብዙሀን እንዱስትሪው ጋር ያለው ቁርኝት ከፍተኛ በመሆኑ እና በዘርፉ የሚንቀሳቀሰው ሀብት እጅግ ከፍተኛ ስለሆነ የቅጅ መብት ጥበቃ ትኩረት ያገኘ ዘርፍ ሆኗል፡፡ እንዲሁም በተለያዩ ሀገራት ውስጥ የሚገኙ ህዝቦች የተለያዩ የሙዚቃ፣ የዳንስ፣ ስዕል፣ ፊልም፤ድራማ ስነ ፅሁፍ.. ወዘተ ሀብት ያላቸው በመሆኑና እነዚህኑ ሀብቶች ከዘረፋና ከጥሰት በመከላከል ለማህበረሰቡ ፋይዳ ያለው የኢኮኖሚ ጥቅም ማስገኘት እንዲችሉ የቅጅ መብት ጥበቃን ማጠናከር አስፈላጊ ነው፡፡